wey la anok

wei la anok, marin mok mung beraso nak make nasi ule timun cicoh budu. pah nok masok ikey goreng. wak tubek doh ikey daley peti. sihat walafiat jah mok mung pukul 3-4 petey tuh. dok ralik chatting. mugonyo nak masok awa telajok.

dale kul 5 gituh nyo mari pening. mok mung telepong la ke ayoh mung. mok mung oyat ke ayoh mung, mok mung nak tido. pening palo tok leh nok masok doh ni. ayoh mung tapau lah makane gapo-gapo. mok mung takpo blako.

pah ayoh mung bagi suggestion, make pizza lah mok mung maley ni. seney. dio mari hata.

oloh la ayoh mung. bakpo gak hilir sangat. mok mung ni nok mutoh sero denga perkatae pizza tuh. makey nye dok lagi. dok leh ke makane laen ayoh mung?

doh takpo lah mok mung tok se pizza gak. kito beli la nasi dekat-dekat rumoh nati.

lalu tido la mok mung depey tv. beley-beley tengok AFC channel. memang ni feveret channel mok mung. pah tido la mok mung sapa pukul 630 petey ayoh mung telepong.

ayoh mung oyat dio dok kat kedai makey doh. ado nasi khabu kalu nak makey nasi khabu pulok ko? olos. pucuk dicita ulam mendatang lah mok mung. mesti la nok.

pah semaley ayoh mung makey satey. mok mung makey nasi khabu

sedak wei anok nasi khabu ni. tok tahu lah ayoh mung beli mano. dio kato keda kat rumoh. tok tahu pulok kat rumoh kito ni ade keda nasi khabu buleh kiro.

pah pagi tadi mok mung tok tahu nok makey gapo. masok la bodo-bodo. letok jah gapo ado kat dapo

muok wei anok. memey mok mung tok leh gi doh masakey raso sememeh lagu ni.

3 jey wei anok mok mung breakfast pagi tadi. tupong tok habis anok wei. meme tekok mok mung tok leh gi doh makaney gini anok. muokkk.muookkk. sapa tertido mok mung nak perabih ko breakfast hari ni. duga tebalik sero.

sedak nyo la wei anok kalu ado nasi belauk ikey ayo. dok pong nasi khabu daging bakar. dok pong nasik kapik cicoh sambal nyor. owoh sedak nye anok.

ni mok mung sero nok balik kelatey ni anok T_T

pah pukul 12 tadi mok mung bangun tido. palo sero lagi pening. tapi sero nyo nak makey nasi la pulok anok. makaney breakfast pagi tadi ado lagi. mok mung tohok daley tong sapoh jah anok.bazir mok mung ni. jange dok tiru la anok wei .tapi gak mok mung tengok pong nak mutoh wei anok. kalu mok mung makey tok tahu lah gano.

mok mung mencekalkan diri masok tengahari ni anok.

ikey singgey, uley timun cicoh budu,anok!

namboh dua kali wei anok, mok mung makey tengahari ni.

mok mung tok tahu lah bakpo lah kappong sangat selera mok mung loni. mung ko anok nok makey budu-budu nasi kerabu segalo ni anok? oloh laaaa...bakpo la nyo menurun ayoh mung sangat.